En Brief jensiits de Rägebogebrugg

 

Du bisch bis zum Endi bi mir gsi. Und au won ich scho gange bin, häsch du mich no es Wiili ghebet.

Ich han dich brüele gseh. Ich würd dir so gern säge, dass ich alles verstande han.

Du häsch au die letscht Entscheidig für mich gfällt - und sie isch weise gsi.

Es isch Zyt gsi für mich zum ga. Ich danke dir für dis Verständnis.

Niemmer wird min Platz inä.

Aber die, welli nach mir chömed, bruuched dini Liebi und Zueneigig. So wie ich sie gha han.

 

Du denksch immer na vill a mich.

Da sind Moment, i dene du unendlich truurig bisch.

Bitte, denk nid voller Truur zrugg. Denk nur dra, wie glücklich mir gsi sind.

Und wänn die nächschte Wegbegleiter dich für immer verlah müend, dänn wird ich a de Rägebogebrugg uf sie warte.

Ich wird ihne danke, dass au sie dich glücklich gmacht händ. Und: ich wird uf sie ufpasse - für Dich!

 

Ich dank dir, dass du mich gliebt häsch, für mich gsorget häsch - und dass Du de Muet gha häsch, mich in Würde ga z'la.

 

Dini treuii Wegbegleiteri - LARA